Monthly Archives: ઓગસ્ટ 2010

એટેચમેન્ટ માટેનો ઈમેલ ટેસ્ટ

આ પોસ્ટ મેલ દ્વારા મુકીને એટેચમેન્ટ નો પ્રયત્ન કર્યો છે.

આ સાથે ડેલ કાર્નેગીનુ પુસ્તક How To Win Friends and Influence People એટેચ કરેલું છે.

વિમેશ…..

_Influence_People.pdf

આઈ તો જો….

                                                                    

બાળપણની યાદો જયારે તાજી થઇ જાય ત્યારે સ્થળ,સમય, સમયનો પ્રવાહ, એ માટીવાળા ગોબરાં કપડાં, દોડતા દોડતા પડી જઈને છોલાઈ ગયેલી કોણીઓ, અત્યારે જે ચિચિયારીઓ લાગે છે એવા અવાજે નાના નાના ઝગડા અને ધમકીઓ…….. ને એવું કેટલુંય જયારે યાદ આવે ત્યારે????
 
આંખ બંધ કરી અને મને મારા ગામનું મારું બચપણ યાદ આવ્યું. યાદ તો આવ્યું પણ આજના જમાના પ્રમાણે એનું મૂલ્યાંકન થઇ ગયું.
 
જરા નીચે જુવો…… એકદમ પંચમહાલની લોકબોલી…… સાથે ઉંચા અવાજે બોલાયેલા એ ડાઈલોગ્સ…
*******
 
 
 
નાના નાના બાળકો જયારે સ્કુલમાં જાય અથવા બીજા કોઈ પણ વિસ્તારમાં જાય અને ત્યાં કોઈની સાથે
 
૦૧. ઝગડો થાય ત્યારે 
 
અને/અથવા
 
૦૨. મળવાની/સંગાથની/ક્યાંક જવાની વાત હોય ત્યારે.
 
સંવાદો…. સાંભળ્યા છે……. કદાચ તમારે મોઢે પણ ……..
 
પરિસ્થિતિ નંબર ૦૧.
 
એકદમ ગામની બોલીમાં…
 
 “તારી માં ના તારી ના…… એટલી બધી “એ” (?) ઓયની તો આઈ જજે માતાના ડેરે….. ઉયે જોવુંસું હું કરી સી….અમણા યે આબ્બુ ઓય તો હેડ…. આ બધ્ધી ટણી કાડી ના નાખું તો જોજે…..”
 
પરિસ્થિતિ નંબર ૦૨.
 
“એમાં હું લે…. આઈ જજે માતાના ડેરે…. એમાં હું બીવાનું આઈ જજે તાણી…… આપડે ચાં કોંય ખોટું કરવાનું સ…. જઈ આબ્બાનું તાણી…. અની એક વાત…. કોઈનીયે કેવાનું નથી… જો કીધું તો જોઈલેજે પસી… મારા હમ સી તની…….. હેડ…..ઉયે આવે તારા હાથી…..”
 
શું આવા કોઈ ડાઈલોગ તમને પણ યાદ છે??….
 
જરા આંખ બંધ કરો….. થોડાક વર્ષો પાછળ જાઓ અને જુવો….. મને એકલાને તો આવું નથી થતું ને…….

સોહરાબુદ્દીન : સીબીઆઈની રામાયણ

છેલ્લા કેટલાય દિવસોથી સોહરાબુદ્દીન ગુજરાત અને પુરા વિશ્વમાં ચર્ચાની એરણે છે. એના (જુઠા) એન્કાઉન્ટરના કેસમાં ગુજરાત પોલીસ અને રાજસ્થાન પોલીસના ઓફિસરોની સીબીઆઈએ ધરપકડ કરી જેલમાં બંધ કર્યા છે. કેસ સૌથી વધારે પ્રસિધ્ધ અને હાઈપ્રોફાઈલ તો ત્યારે થયો જયારે એમાં ગુજરાતના ગૃહમંત્રી(હાલ પૂર્વ ગૃહમંત્રી)ની ધરપકડ થઇ. દિવ્યભાસ્કર અખબારે તો બધાય અધિકારીઓથી લઈને ગૃહમંત્રીના બધાયની સાથે સંબંધ સાથે સાથે એમની એ સમયની ફોન કોલ ડીટેલ પણ પ્રસિદ્ધ કરી. હવે આ કેસ સુપ્રીમ કોર્ટના આદેશથી તપાસમાં આગળ વધી રહ્યો હોઈ સ્વતંત્ર ભારતના એક સજાગ નાગરિક તરીકે બંધારણને અનુસરતા આપણે કશી ટીપ્પણી કરી ના શકીએ પણ મારી પાસે આવેલા એક ઈમેલમાં જે વિગતો છે એ મુજબ સોહરાબુદ્દીન એક આતંકવાદીથી વિશેષ કઈ જ નથી.

હવે જોઈએ મને મળેલ મેલની માહિતી :

**********

સોહરાબુદ્દીન પત્ની સાથે તાજમહાલ પરિસરમાં

શું તમને ખબર છે કોણ હતો આ સોહરાબુદ્દીન? લગભગ ૩૫ થી ૩૬ વર્ષનો આ વ્યક્તિ મધ્યપ્રદેશના ઝારાનિયા ગામથી હતો. જેણે એક રીઢો કે ખુંખાર ગુનેગાર કહીએ તો ચાલે કેમ કે તે ગુજરાતની બિલ્ડર લોબી અને રાજસ્થાનની માર્બલ લોબીમાંથી ખંડણી ઉઘરાવવાનું કામ કરતો હતો અને એમાં એનું સારું વર્ચસ્વ પણ હતું. અને એનું બધું જ કામ એ અમદાવાદ, ઉદયપુર અને ઉજ્જૈનથી કરતો હતો.

હવે એના ઉપર નોંધાયેલા ગુનાઓ તરફ નજર કરીએ તો :

ગુજરાત :

અમદાવાદ – ગુનો રજીસ્ટર નં. ૧૧/૯૪

– ૧૯૯૩ : જગન્નાથજી રથયાત્રામાં ભય આતંક ફેલાવવા બોમ્બ વિસ્ફોટનું કાવતરું. દાઉદ અને લતીફ જેવા દેશદ્રોહી સાગરીત.

અમદાવાદ – ગુનો રજીસ્ટર નં. ૨૩૮/૨૦૦૮ : ખંડણી – નાણા પડાવવાનો ગુનો

– અમદાવાદ ગું. ર. નંબર ૧૬૯/૯૫ આર્મ્સ એક્ટ એક્ષ્પ્લોજિવ એક્ટનો ગુનો, શાહપુર

– અમદાવાદ ગું. ર. નંબર ૧૧૨૪/૨૦૦૪ ફાયરીંગનો ગુનો, નવરંગપુરા

મહારાષ્ટ્ર

– ચાંદગઢ કોલ્હાપુર ગુ. ર. નં. ૫૨/૨૦૦૦ જીવલેણ ફાયરીંગ

– ચાંદગઢ પો. સ્ટે. ગુ. ૨,૪/૨૦૦૫ ગુનાહિત ષડયંત્ર રચી એક હત્યા કરી.

મધ્યપ્રદેશ

– નાગડા-ઉજ્જૈન પો. સ્ટે. ગુ. ૨,૨૩૭/૯૫ ગેરકાયદે હથિયારોનું વેચાણ કરતા પકડાયેલ

– મહીદપુર પો. સ્ટે. ગુ. ૨,૨૬૬/૯૫ આર્મ્સ એક્ટનો ગુનો

– લસુડીયા પો. સ્ટે. ગુ. ૨,૩૪૬/૨૦૦૩ ખોટા ડ્રાઈવિંગ લાઇસન્સનો ગુનો

– મધ્યપ્રદેશ પોલીસે સોહરાબુદ્દીનની ૫-૬-૧૯૯૯ના રોજ રાષ્ટ્રીય ધારા હેઠળ ધરપકડ કરી હતી જેમાં જામીન મેળવ્યા પછી ફરાર.

રાજસ્થાન

– હથીપોલ પો.સ્ટે. ગુ. ર. ૨૧૪/૦૪ ફાયરીંગથી હત્યાનો ગુનો

(માહિતી સંચાર:મનોગત,અંક -૩,૨૦૧૦)

અને આ એજ વ્યક્તિ છે કે જેના મધ્યપ્રદેશ સ્થિત ઘરમાંથી લગભગ ૪૦ જેટલી એકે ૪૭, કેટલાય જીવતા હેન્ડગ્રેનેડ અને કારતુસો મળી આવ્યા હતા. જે ભારતના પાંચ રાજ્યોમાં “વોન્ટેડ” જાહેર કરવામાં આવ્યો હતો અને એની સામે નાના મોટા ૪૦ જેટલા ગુનાઓ નોંધાયેલા હતા.

આજે કેન્દ્રમાં બેઠેલી કોંગ્રેસની સરકાર સીબીઆઈનો દુરઉપયોગ કરી રહી છે. ગુજરાત સરકારને અને ગુજરાતના સારા પોલીસ ઓફિસરોને ખોટી રીતે આ કેસમાં ફસાવી રહી છે અને પોલીસ ભાઈઓનું મનોબળ પણ તોડવાનું કામ કરી રહી છે. આ એજ સરકાર અને પોલીસ ઓફિસરો છે જેમના કારણે ગુજરાતમાં છેલ્લા કેટલાય વર્ષોથી શાંતિ છે. આજે ગુજરાતમાં ભયમુક્ત વાતાવરણ છે અને આપણે શાંતિથી હરી ફરી શકીએ છીએ. કોંગ્રેસ સરકાર પાસે ગુજરાત સરકાર વિરુદ્ધ કોઈ મુદ્દા નથી એટલે ખોટા મુદ્દાઓ ઉભા કરીને ગુજરાતની સરકારને હેરાન કરે છે.

આમ જોવા જઈએ તો સોહરાબુદ્દીન એ કોઈ દુધે ધોયેલું વ્યક્તિત્વ નહોતું કે જેના મોત પાછળ આટલો બખેડો ઉભો કરવાનો હોય.છેલ્લા પાંચ વર્ષથી ચાલતા આ કેસમાં ગુજરાતના લોકો સોહરાબુદ્દીનને બરાબર ઓળખતા થઇ ગયા છે. આજે દિલ્લી, મુંબઈ, ઉત્તરપ્રદેશ,મધ્યપ્રદેશ,બિહાર,છત્તીશગઢ,ઝારખંડ,જમ્મુ ને કાશ્મીર જેવા ભારતના કેટલાય રાજ્યોમાં દિવસના કેટલાય લોકોને મારી નાખવામાં આવે છે. શું એમની જાનની કોઈ કીમત નથી હોતી. તેમાં કોઈ સીબીઆઈ ઇન્ક્વાયરી નથી કરવામાં આવતી. શું ફક્ત સોહરાબુદ્દીનની જાનની કીમત છે? સોહરાબુદ્દીનનો કેસ એ સુપ્રીમ કોર્ટની મંજૂરી છે એમ કહીને ચલાવવામાં આવતો કોંગ્રેસ નો એક મોટો ખેલ છે. બાકી આખા ભારતમાં દર વર્ષે કેટલાય એન્કાઉન્ટર થાય છે અને ગુજરાત કરતા ગુનાનો આંક બીજા રાજ્યોમાં ઘણો છે, ગુજરાત તો તેમાં ખુબજ પાછળ છે તો બીજા રાજ્યોના એન્કાઉન્ટરની તપાસો છોડીને ગુજરાતની તપાસ જ કેમ?

જાગો ગુજરાતીઓ જાગો….. કેમ કે આજે આપણી માં-બહેનો રસ્તા પર ભયમુક્ત થઈને હરી ફરી શકે છે, આજે આપણા સ્કુલે ગયેલા બાળકોની ચિંતા નથી કરવી પડતી, આપણો પરિવાર રાત્રે ઘરમાં શાંતિથી સુઈ શકે છે અને એના માટે આપણી સરકાર અને ગુજરાત પોલીસને લાખ લાખ અભિનંદન આપવા જોઈએ. પણ જો કેન્દ્રમાં બેઠેલી કોંગ્રેસની સરકાર ગુજરાત સરકારને હેરાન કરે કે ગુજરાત પોલીસનું મનોબળ તોડવાનું કામ કરે તેને આપણે કેવી રીતે ચલાવી શકીએ? તમે પોતેજ યાદ કરી જુવો કે ગોધરાકાંડ પછી ગુજરાતમાં નાનું છમકલું પણ થયું છે ખરું? આપણે બીજા રાજ્યોમાં રહેતા લોકો કરતા કેટલી શાંતિની જીન્દગી જીવીએ છીએ,

**********

આ મને મળેલા મેલ ની વિગતો છે….. મારો અંગત અભિપ્રાય હું પહેલાજ જણાવી ચુક્યો છું.

મિત્રતા દિવસ મુબારક