Monthly Archives: જૂન 2011

સજા

ઘર મારું રહ્યું અધખુલુ

મજાની સજા મળી ચાંદને

ભુરાયી ધરતીએ ચગદી નાખ્યો

એના જ બદમાશ બાળને….

[તસવીર સૌજન્યઃ Colony Worlds]

Advertisements

ચાંદ શરમાયો

આજે ચાંદ શરમાયો

ધરતી ઓથે લપાયો

શું હશે એ કારણ અજાણ્યું

થઈ રહ્યું શ્રાવણનું આણું

એ પાલવ ઘડી આમ રેલાયો

શું એ જોઈ ચાંદ શરમાયો?

ઘડીક મધુર મિલનની વાતો

પુનમ રાતે એ સાંભળતો

હું સળવળતો એ સળવળતો

મારી સામે દાંત કરડતો

પ્રિયે તમારી મીઠ્ઠી ભાષા

આતુરતાથી ચોરી લેતો

છાનગપતીયું કરતાં ચાંદો

પાલવ સાથે બાથે પડી ગ્યો…

રાતો પાલવ,

પીળો પાલવ,

શરમાતો પાલવ,

ગુસ્સેલ પાલવ…

દીધો ધક્કો ચાંદ પડી ગ્યો

દુનિયા માટે કાળ ગળી ગ્યો…

ભુલ સમજાતાં કલ્લાક વહી ગ્યો

ચાંદ પાછો ધરતીને મળી ગ્યો.

[તસવીરઃ Photo Collection]