Blog Archives

સપનાના સોદાગર

સતત ઝુકેલી એ પાંપણે સપના ઉજાગર કર્યા,

વિખરાયેલી ઝુલ્ફોએ પવનદેવ પરાસ્ત કર્યા…

 

સદાય બીડેલા હોઠથી જે બે મીઠા બોલ કહ્યા,

દિલ વીંધાયું અને યૌવનના ઠેકાણા ના રહ્યા…

 

ગમતીલા ભાવે પુષ્ટ નિખાર પર અમે ખુબ મોહી પડ્યા

શરમના શેરડા બળપુર્વક તમારા ગાલે રમી ગયા…

 

અપેક્ષીત હતો રમણીય એ સપનાંનો ભારો,

સપનાં છોડી ઓરા આવો પુરો હવે જન્મારો…

 

બસ કીધો’તો સોદો આપણે ભુલથી ઓ સોદાગર,

સપનાઓ રંગીન બનાવી આંખો કેમ ધ્રુજાવો…

 

[તસવીર સૌજન્યઃ શ્રી આશીષ સોમપુરા]

દિલબર

શમણાંઓની સાંજ સવારી યાદમાં તારી દિલબર

આંખ અટારી ભીની થઈ છે રાહમાં તારી દિલબર,

યાદ અપાવે વન ઉપવનની શાંત લતાઓ દિલબર

શમણાંઓની સાંજ સવારી યાદમાં તારી દિલબર…

 

શોધી રહ્યો હું આસપાસમાં સ્પર્શ સુંવાળો દિલબર

મસ્ત સુગંધે સાચા અર્થે મંદ પડી આ ધડકન,

સુરજદાદો રમવા લાગ્યો રાતી ક્ષીતિજની આગળ

ટમટમ તારલા વ્યાકુળતાથી શોધી રહ્યા તને દિલબર…

 

ચાંદલીયાની સાખે દઉ છું મારા સમ તને દિલબર

શાંત સમયની સળગતી પડખે વિંધાયું છે યૌવન.

સાંજ વટાળી આવી રજની ઓઢી તારલીયાની ચાદર

તારી રાહમાં રાતરાણીએ લાલ બીછાવી જાજમ….

 

[તસવીરઃ TrekEarth]