Blog Archives

દિલબર

શમણાંઓની સાંજ સવારી યાદમાં તારી દિલબર

આંખ અટારી ભીની થઈ છે રાહમાં તારી દિલબર,

યાદ અપાવે વન ઉપવનની શાંત લતાઓ દિલબર

શમણાંઓની સાંજ સવારી યાદમાં તારી દિલબર…

 

શોધી રહ્યો હું આસપાસમાં સ્પર્શ સુંવાળો દિલબર

મસ્ત સુગંધે સાચા અર્થે મંદ પડી આ ધડકન,

સુરજદાદો રમવા લાગ્યો રાતી ક્ષીતિજની આગળ

ટમટમ તારલા વ્યાકુળતાથી શોધી રહ્યા તને દિલબર…

 

ચાંદલીયાની સાખે દઉ છું મારા સમ તને દિલબર

શાંત સમયની સળગતી પડખે વિંધાયું છે યૌવન.

સાંજ વટાળી આવી રજની ઓઢી તારલીયાની ચાદર

તારી રાહમાં રાતરાણીએ લાલ બીછાવી જાજમ….

 

[તસવીરઃ TrekEarth]

Advertisements